Կարևոր շարժառիթներ փոխնակ մայր դառնալու համար
Փոխնակ մայր դառնալը կյանքի փորձություն է ոչ միայն ձեզ, այլև ապագա ծնողների համար, որոնք, որպես ծնող դառնալու ճանապարհ, ընտրում են փոխնակ մայրությունը: Որպես փոխնակ մայր՝ դուք կարող եք օգնել մարդկանց դառնալ ծնող՝ չնայած բժշկական կամ անձնական հանգամանքներին, որոնք անհնարին են դարձրել երեխա ունենալը։ Նախքան փոխնակ մայրության ծրագրում ներգրավվելը, նախապատրաստեք ինքներդ ձեզ՝ գնահատելով ձեր շարժառիթները և այն պարտավորությունը, որը պատրաստվում եք ստանձնել:
Ծանոթացեք ԱՄԲ ընթացակարգերին և նախքան ծրագիրն սկսելը հասկացեք, թե ինչ է տեղի ունենալու: Իրազեկվեք փոխնակ մայրության բոլոր փուլերի՝ բժշկական ընթացակարգերից մինչև իրավական գործընթացները, փոխնակ մայրերի իրավունքների և պարտականությունների մասին:
Ընտրեք հեղինակավոր փոխնակ մայրության գործակալություն
Փոխնակ մայրության գործակալության ընտրությունը, որին վստահելու եք ձեր մոտակա ապագան, փոխնակ մայրության ծրագիրը հաջողությամբ անցնելու առանցքային քայլերից է: Կատարեք ձեր ընտրությունը մանրակրկտորեն: Հաշվի առեք գործակալության փորձառությունը, անձնակազմը, որի հետ աշխատելու եք, հաճախորդների, այլ փոխնակ մայրերի արձագանքները և նրանց տրամադրվող աջակցության ծավալը: Ընտրեք այն գործակալությունը, որը կարող է ապահովել ձեզ անհրաժեշտ հոգատարությամբ, կաջակցի և կպաշտպանի ձեզ ծրագրի բոլոր փուլերում։ Համոզվեք, որ ձեր ընտրած գործակալությունը նույնպես համապատասխանում է ձեր արժեհամակարգին:
Փոխնակ մայրության պահանջներին համապատասխանությունը
Փոխնակ մայրությանը նախապատրաստվելու առաջին քայլը հետազոտություններ անցնելն է՝ պարզելու համար փոխնակ մայրության պահանջներին համապատասխանո՞ւմ եք, թե ոչ:
Առաջնահերթություն տվեք առողջությանը
Փոխնակ մայրության ընթացքում առաջնահերթ է ֆիզիկական և հոգեբանական առողջության պահպանումը: Ծրագիրն սկսելուց առաջ անցեք համապարփակ բժշկական և հոգեբանական հետազոտություն, որպեսզի համոզվեք, որ պատրաստ եք հղիության ֆիզիկական և հոգեբանական պահանջներին: Ընտրեք առողջ ապրելակերպ՝ հավասարակշռված սննդակարգով, կանոնավոր վարժանքով և բավարար հանգստով: Կարևոր է նաև առաջնահերթություն տալ ձեր մտավոր բարեկեցությանը այնպիսի գործողությունների միջոցով, ինչպիսիք են մեդիտացիան, ընթերցանությունը և այցելությունը հոգեբանին:
Քննարկեք ձեզ հետաքրքրող բոլոր հարցերը
Բաց և ազնիվ քննարկումները կարևոր են փոխնակ մայրության յուրաքանչյուր ծրագրի համար: Երբ սկսեք փոխնակ մայրության ծրագիրը, քննարկեք ձեզ հուզող բոլոր հարցերը փոխնակ մայրության գործակալության և բժիշկների հետ: Քննարկեք ձեր բոլոր ակնկալիքները ծրագրից, նախապատվությունները և հնարավոր մարտահրավերները՝ համոզվելու համար, որ բոլորով նույն ուղու վրա եք: Վստահության և փոխըմբռնման հիմքերի ստեղծումը նպաստում է փոխնակ մայրության ծրագրի առավել հարթ անցկացմանը:
Հիշեք, որ փոխնակ մայր դառնալու ձեր որոշումն ուշագրավ և կարեկցող ընտրություն է՝ ապագա ծնողներին անչափելի ուրախություն պատճառելու ներուժով: Ընտրեք ծրագիրը վստահորեն՝ իմանալով, որ օգնում եք ապագա ծնողներին՝ դնելու իրենց նոր ապագայի սկիզբը:
Խնդրում ենք կապվել ԱՐՆԻ կենտրոնի հետ՝ մեր ծրագրում փոխնակ մայր լինելու մասին լրացուցիչ տեղեկություններ ստանալու համար: