ՕԳՏԱԳՈՐԾՄԱՆ ԿԱՆՈՆՆԵՐ

 

Սույն օգտագործման կանոններն

ուժի մեջ են մտել 2024 թվականի մարտի 15-ին

 

I. ՆԱԽԱԲԱՆ

 

1. Յուրաքանչյուր անձ (այսուհետ՝ Օգտատեր), ով մուտք է գործում մեր ինտերնետային կայքը (այսուհետ՝ Կայք), պարտավորվում է պահպանել սույն կանոնների (այսուհետ՝ Կանոններ) պահանջները: Կայքն Օգտատերերին հասանելի է ամբողջ աշխարհում։

2. «ԱՐՆԻ ԼԵԳԱԼ ԷՅԴ» սահմանափակ պատասխանատվությամբ ընկերությունը (այսուհետ՝ ԱՐՆԻ կենտրոն) հանդիսանում է Կայքի սեփականատերը և խնդրում է մինչև Կայքից օգտվելն ուշադիր ծանոթանալ Կանոնների պահանջներին:

3. Կանոնները  նախատեսված են միայն ֆիզիկական անձանց օգտագործման համար և չեն կարող օգտագործվել իրավաբանական անձանց և անհատ ձեռնարկատերերի կողմից՝ առևտրային գործունեության իրականացման նպատակով:

4. Կանոններում սահմանված դրույթները չեն պարունակում որևէ խտրականություն, այդ թվում՝ կախված սեռից, ռասայից, մաշկի գույնից, էթնիկ կամ սոցիալական ծագումից, գենետիկական հատկանիշներից, լեզվից, կրոնից, աշխարհայացքից, քաղաքական կամ այլ հայացքներից, ազգային փոքրամասնությանը պատկանելությունից, գույքային վիճակից, ծնունդից, հաշմանդամությունից, տարիքից կամ անձնական կամ սոցիալական բնույթի այլ հանգամանքներից։

5. ԱՐՆԻ կենտրոնի ամբողջական տվյալներն առկա են Կայքի «ՄԵՐ ԿՈՆՏԱԿՏՆԵՐԸ» բաժնում։

6. Կանոնների տպագրվող տարբերակը բեռնելու համար սեղմեք այստեղ՝ «pdf» ձևաչափով։

 

 II. ԿԱՆՈՆՆԵՐԻ ՊԱՀԱՆՋՆԵՐԻ ԱՆՎԵՐԱՊԱՀ ԸՆԴՈՒՆՈՒՄԸ

 

7. Կանոնները վերաբերում են բոլոր Օգտատերերին:

8. Եթե որևէ ​​Օգտատեր համաձայն չէ Կանոնների պահանջներին, ապա ԱՐՆԻ կենտրոնը խնդրում է չօգտվել Կայքից:

 

III. ԿԱՆՈՆՆԵՐԻ ԴՐՈՒՅԹՆԵՐԻ ՓՈՓՈԽՈՒԹՅՈՒՆՆԵՐԸ ԵՎ ԼՐԱՑՈՒՄՆԵՐԸ

 

9. ԱՐՆԻ կենտրոնին իրավունք է վերապահվում ցանկացած պահի իր հայեցողությամբ փոփոխելու կամ լրացնելու Կայքը և Կանոնները:

10. ԱՐՆԻ կենտրոնի ծառայություններից օգտվող Օգտատերերի պարտականությունն է պարբերաբար ստուգել Կայքի և Կանոնների պահանջները՝ փոփոխություններին և լրացումներին ծանոթանալու համար:

11. Կանոնների և Կայքի պահանջների փոփոխությունները և լրացումները հրապարակելուց հետո, եթե Օգտատերը շարունակում է օգտվել Կայքից, ապա նա ընդունում է կատարված փոփոխությունները և  (կամ) լրացումները:

 

IV. ՕԳՏԱՏԵՐԵՐԻ ՏԱՐԻՔԱՅԻՆ ԵՎ ԱՅԼ ՍԱՀՄԱՆԱՓԱԿՈՒՄՆԵՐԸ

 

12. Մուտք գործելով Կայք՝ Օգտատերը հաստատում է, որ ինքը չափահաս է, որը պահանջվում է Կայք մուտք գործելու և օգտվելու համար:

13. Օգտատերը նաև հաստատում է, որ իրեն թույլատրվում է օգտագործել իր կողմից գրանցման համար ներկայացված անձնական տվյալները։

14. Օգտատերը երաշխավորում է իր ներկայացրած անձնական տվյալների ճշգրտությունը, արդիականությունը,  հավաստիությունը և պատասխանատվություն է կրում դրանց համար:

15. Օգտատերն է կրում լիարժեք պատասխանատվություն Կայքից օգտվելու՝ Հայաստանի Հանրապետության օրենսդրության պահանջների պահպանման համար։

16. ԱՐՆԻ կենտրոնը չի կրում որևէ պատասխանատվություն, եթե Օգտատիրոջ տարիքը կամ այլ տվյալները թույլ չեն տալիս օրենսդրության համաձայն օգտվել Կայքից։

 

V. ՕԳՏԱՏԻՐՈՋ ՏՎՅԱԼՆԵՐԻ ԳԱՂՏՆԻՈՒԹՅԱՆ ԵՐԱՇԽԱՎՈՐՈՒՄԸ ԵՎ ԿԱՅՔՈՒՄ ԳՐԱՆՑՎԵԼԸ

 

17. Դոնորների տվյալների բազայից օգտվելու համար Օգտատերը պարտավոր է մուտք գործել Կայք և գրանցվել Կայքում:

18. ԱՐՆԻ կենտրոնը երաշխավորում է յուրաքանչյուր Օգտատիրոջ ներկայացրած անձնական տվյալների գաղտնիությունը՝ համաձայն ԱՐՆԻ կենտրոնի գաղտնիության քաղաքականության (այսուհետ՝ Գաղտնիության քաղաքականություն):

19. Օգտատերը կրում է անձնական պատասխանատվություն Կայքում լրացված բոլոր տվյալների համար՝ անկախ այն հանգամանքից Օգտատերը լրացրել է իր անձնական տվյալները, թե հանդես է եկել որպես լիազորված անձ:

20. Օգտատերը լիարժեք պատասխանատվություն է կրում իր գաղտնաբառի գաղտնիության պահպանման համար, ինչպես նաև իր կողմից օգտագործվող սարքերով այլ անձանց մուտքը սահմանափակելու համար:

21. ԱՐՆԻ կենտրոնը չի կրում որևէ պատասխանատվություն Օգտատիրոջը վնաս պատճառելու համար, եթե վերջինիս գաղտնաբառն անցել է այլ անձանց, կամ այլ անձինք հնարավորություն են ունեցել օգտագործելու Օգտատիրոջ գաղտնաբառը:

 

VI. ԿԱՅՔԻ ԲՈՎԱՆԴԱԿՈՒԹՅՈՒՆԸ

 

22. Կայքի բովանդակությունը (այսուհետ՝ Բովանդակություն), ներառյալ ապրանքային նշանը, դրանում պարունակվող բոլոր պատկերանշանները պատկանում են ԱՐՆԻ կենտրոնին և պաշտպանված են հեղինակային և մտավոր սեփականության մասին օրենքներով։

23. Բովանդակությունը ներառում է Կայքի ֆունկցիոնալությունը, ծրագրակազմը, ձևավորումը, աուդիոձայնագրությունները, տեսապատկերները, տեքստերը, լուսանկարները, գրաֆիկան, անունները, պատկերները, բոլոր գրաֆիկական լուծումները, ապրանքային նշանը, դիզայնը, էջերի վերնագրերը, կոճակների պատկերները և սցենարները, ինչպես նաև Կայքի դոնորների տվյալների բազան:

24. Կայքում առկա ապրանքային նշանը չի կարող օգտագործվել որևէ ապրանքի կամ ծառայության հետ կապված, որը կարող է շփոթություն առաջացնել։

25. Ապրանքային նշանը և Կայքն ամբողջությամբ կամ դրա որևէ մասը չեն կարող այլ նպատակով օգտագործվել, պատճենահանվել, վերարտադրվել, տարածվել, փոխանցվել, հեռարձակվել, ցուցադրվել, վաճառվել կամ այլ կերպ շահագործվել՝ առանց ԱՐՆԻ կենտրոնի գրավոր թույլտվության:

26. Բովանդակության օգտագործումը ցանկացած անձի կողմից առանց ԱՐՆԻ կենտրոնի գրավոր թույլտվության խստիվ արգելվում է:

27. Բովանդակությունը ներկայացվում է Օգտատերերին միայն որպես տեղեկատվություն և իրենց անձնական օգտագործման համար։

28. Բովանդակության վրա հիմնված՝ Օգտատիրոջ ցանկացած գործողության համար պատասխանատվությունը կրում է Օգտատերը՝ իր սեփական ռիսկով:

29. ԱՐՆԻ կենտրոնը չունի որևէ պարտավորություն թարմացնելու Կայքը, բացառությամբ եթե նման պահանջ սահմանված է Հայաստանի Հանրապետության օրենքով։

 

VII. ՕԳՏԱՏԻՐՈՋ ԿՈՂՄԻՑ ԱՆՁՆԱԿԱՆ ՏՎՅԱԼՆԵՐԻ ԳՐԱՆՑՈՒՄԸ

 

30. Կայքում գրանցվելու համար Օգտատերը պարտավոր է լրացնել իր անձնական տվյալները և պահպանել Կանոնների պահանջները:

31. Օգտագործելով Կայքը՝ Օգտատերը ԱՐՆԻ կենտրոնին իրավունք է վերապահում մշակելու իր անձնական տվյալները՝ պահպանելով Գաղտնիության քաղաքականության պահանջները։

32. Օգտատերը երաշխավորում է, որ գրանցում է իր անձնական տվյալները կամ այն անձի անձնական տվյալները, որի անունից ունի այդ տվյալները գրանցելու իրավունքը։

33. Օգտատերն ընդունում է, որ պատասխանատվություն է կրում իր լրացրած յուրաքանչյուր տեղեկատվության բովանդակության, ներառյալ դրա օրինականության, ճշգրտության և համապատասխանության համար:

34. Օգտատերը հաստատում է, որ իր լրացրած անձնական տվյալները չեն հակասում Հայաստանի Հանրապետության օրենսդրությանը և չեն խախտում երրորդ անձանց իրավունքները, այդ թվում՝ հեղինակային և մտավոր սեփականության։

35. ԱՐՆԻ կենտրոնն իրավունք ունի իր հայեցողությամբ չընդունելու Օգտատիրոջ  ցանկացած գրառում որևէ պատճառաբանությամբ կամ առանց պատճառաբանության:

36. ԱՐՆԻ կենտրոնը պատասխանատվություն չի կրում երրորդ անձի առջև Օգտատիրոջ կողմից մուտք արված անձնական տվյալների անհամապատասխանության կամ ճշգրտության համար:

 

VIII. ԿԱՅՔՈՒՄ ԱՌԿԱ ՍԽԱԼՆԵՐԸ, ԱՆՃՇՏՈՒԹՅՈՒՆՆԵՐԸ ԵՎ ԲԱՑԹՈՂՈՒՄՆԵՐԸ

 

37. Բովանդակությունում կարող են լինել տպագրական սխալներ, անճշտություններ կամ բացթողումներ՝ կապված բժշկական ընթացակարգերի, ախտորոշումների, արժեքների, առաջարկների և այլնի հետ:

38. ԱՐՆԻ կենտրոնին իրավունք է վերապահվում շտկելու ցանկացած սխալ, անճշտություն կամ բացթողում, ինչպես նաև փոփոխելու կամ լրացնելու ցանկացած տեղեկատվություն ցանկացած պահի՝ առանց նախնական ծանուցման:

39. Կայքում փոփոխություն կամ լրացում կատարելու դեպքում որևէ հստակ ամսաթիվ չի նշվում։ Օգտատերն ընդունում է կատարված փոփոխությունը կամ լրացումը, եթե իր կողմից Կայքի օգտագործման պահին այն առկա է:

 

IX. ՕԳՏԱՏԻՐՈՋ ԿՈՂՄԻՑ ԱՐԳԵԼՎԱԾ ՎԱՐՔԱԳԻԾ ԴՐՍԵՎՈՐԵԼԸ

 

40. Օգտատերը պարտավոր է Կայքն օգտագործել միայն օրինական նպատակով, պատշաճորեն և Կանոնների պահանջներին համապատասխան:

41. Արգելվում է Կայքն օգտագործել ցանկացած անօրինական նպատակով, խթանել կամ քարոզել որևէ անօրինական գործունեություն կամ աջակցել անօրինական գործողություններին, դրդել ուրիշներին կատարելու անօրինական գործողություններ կամ մասնակցելու դրանց, ոտնահարել կամ խախտել ԱՐՆԻ կենտրոնի կամ այլոց մտավոր սեփականության իրավունքները, վիրավորել, զրպարտել, արատավորել, վախեցնել կամ խտրականություն դրսևորել սեռի, սեռական կողմնորոշման, կրոնի, էթնիկ պատկանելության, ռասայի, տարիքի, ազգային ծագման կամ հաշմանդամության հիմքով, ինչպես նաև ներկայացնել կեղծ կամ ապակողմնորոշիչ տեղեկատվություն։

42. ԱՐՆԻ կենտրոնին իրավունք է վերապահվում դադարեցնելու Օգտատիրոջ կողմից Կայք մուտք գործելու հնարավորությունը՝ Կանոններով սահմանված՝ Կայքի օգտագործման պահանջները խախտելու  դեպքում:

43. ԱՐՆԻ կենտրոնին իրավունք է վերապահվում ցանկացած պահի դադարեցնելու Օգտատիրոջ մուտքի հնարավորությունը կամ հրաժարվելու ծառայություն մատուցելուց՝ առանց Օգտատիրոջը նախապես ծանուցելու, որևէ պատճառով կամ առանց պատճառի:

 

X. ՕԳՏԱՏԻՐՈՋ՝ ԿԱՅՔԻՑ ՕԳՏՎԵԼՈՒ ԻՐԱՎՈՒՆՔԻ ԴԱԴԱՐԵՑՈՒՄԸ

 

44. ԱՐՆԻ կենտրոնին իրավունք է վերապահվում Բովանդակության փոփոխման կամ լրացման մասին նախօրոք չծանուցել Օգտատերերին:

45. ԱՐՆԻ կենտրոնը պատասխանատվություն չի կրում Օգտատերերի կամ երրորդ կողմի առջև Կայքի, այդ թվում՝ առաջարկվող ծառայությունների փոփոխության, լրացման, կասեցման կամ դադարեցման համար:

46. Այն դեպքում, երբ ԱՐՆԻ կենտրոնն արգելափակում է Օգտատիրոջ գրանցումը, վերջինս չի կարող կրկին մուտք գործել Կայքի դոնորների տվյալների բազա կամ օգտագործել այն:

47. Եթե Օգտատերը կարծում է, որ իր մուտքն անօրինական կամ սխալմամբ է սահմանափակվել, ապա նա կարող է կապ հաստատել ԱՐՆԻ կենտրոնի հետ +374 55 501 144 հեռախոսահամարով կամ նամակ ուղարկել info@arni.am էլ. փոստի հասցեով։

 

XI. ՎԵՃԵՐԻ ԼՈՒԾՈՒՄԸ ԵՎ ԱՆՁՆԱԿԱՆ ​​ՀԻՄՈՒՆՔՆԵՐՈՎ ԱՐԲԻՏՐԱԺԻ ՀԱՄԱՁԱՅՆՈՒԹՅՈՒՆԸ

 

48. ԱՐՆԻ կենտրոնի և Օգտատիրոջ միջև վեճը ենթակա է լուծման բանակցությունների միջոցով։

49. Բոլոր առաջարկները, խոստումները, բանավոր կամ գրավոր հայտարարությունները, որոնք արվել են բանակցությունների ընթացքում ԱՐՆԻ կենտրոնի կամ Օգտատիրոջ, նրանց գործակալների, աշխատակիցների կամ փաստաբանների կողմից, գաղտնի են։ Անթույլատրելի է ցանկացած նպատակով այդ տեղեկատվության օգտագործումը, ներառյալ արբիտրաժում կամ դատական վարույթում, պայմանով, որ բանակցություններում օգտագործման արդյունքում այդ ապացույցները չեն դառնա անթույլատրելի:

50. Եթե ​​ ԱՐՆԻ կենտրոնի և Օգտատիրոջ միջև վեճը չի լուծվում 30 (երեսուն) օրվա ընթացքում, ապա այն ենթակա է լուծման արբիտրաժում՝ Հայաստանի Հանրապետության օրենսդրությամբ սահմանված կարգով:

51. Արբիտրաժի ընտրությունը վերապահվում է ԱՐՆԻ կենտրոնին։ Եթե ​​ վեճը ենթակա չէ լուծման արբիտրաժում, ապա վարույթը պետք է հարուցվի բացառապես Հայաստանի Հանրապետության իրավասու դատարանում:

52. Հրաժարվելով վեճն արբիտրաժում լուծելու սույն մասով սահմանված պահանջից՝ Օգտատերը չի կարող օգտվել Կայքի դոնորների տվյալների բազայից:

53. Օգտատերը կարող է հրաժարվել սույն մասով սահմանված կարգով վեճն արբիտրաժում լուծելուց՝ կապ հաստատելով ԱՐՆԻ կենտրոնի հետ +374 55 501 144 հեռախոսահամարով կամ նամակ ուղարկել  info@arni.am էլփոստի հասցեով:

 

XII. ԳԱՂՏՆԻՈՒԹՅԱՆ ՔԱՂԱՔԱԿԱՆՈՒԹՅՈՒՆԸ

 

54. ԱՐՆԻ կենտրոնը երաշխավորում է Կայքի յուրաքանչյուր Օգտատիրոջ գաղտնիությունը:

55. Գաղտնիության քաղաքականությունը հանդիսանում է Կանոնների անբաժանելի մաս, որին կարելի է ծանոթանալ այս հղումով։

 

XIII. ԱՅԼ ԿԱՅՔԵՐԻՆ ԿԱՄ ՌԵՍՈՒՐՍՆԵՐԻՆ ՀՂՈՒՄՆԵՐԸ

 

56. Կայքում կարող են տեղադրվել հղումներ այլ կայքերին կամ ռեսուրսներին: Այդ հղումները տեղադրվում են միայն Օգտատերերի հարմարության համար, սակայն ԱՐՆԻ կենտրոնը չի վերահսկում այդ կայքերի կամ ռեսուրսների բովանդակությունը և չի կրում պատասխանատվություն, որը կարող է առաջանալ դրանց օգտագործումից:

57. Եթե ​​Օգտատերը որոշել է Կայքից մուտք գործել այլ կայքեր կամ ռեսուրսներ, ապա Օգտատերը դա անում է ամբողջովին իր պատասխանատվությամբ և այդ կայքերի կամ ռեսուրսների պայմաններին համապատասխան:

 

XIV. ԵԶՐԱՓԱԿԻՉ ԴՐՈՒՅԹՆԵՐ

 

58. Կանոնների նպատակն է կարգավորել ԱՐՆԻ կենտրոնի և Օգտատիրոջ միջև հարաբերությունները։ Այն հանդիսանում է ԱՐՆԻ կենտրոնի և Օգտատիրոջ միջև ձեռք բերված համաձայնագիր, որը փոխարինում է գրավոր պայմանագրին:

59. Կանոնների կետերի վերնագրերը միայն հարմարության համար են և չունեն իրավական կամ պայմանագրային ազդեցություն:

60. Կանոնների պահանջները գործում են այնքանով, որքանով չեն հակասում Հայաստանի Հանրապետության օրենսդրությանը:

61. Օգտատերը հրաժարվում է Կանոնները վիճարկելուց և ընդունում է դրանք այնպես, ինչպես կան։

62. Օգտատերը համաձայնվում է, որ Կանոնները կազմված են էլեկտրոնային ձևով, և դրանում բացակայում են կողմերի ստորագրությունները:

63. Կանոնների վերաբերյալ հարցեր առաջանալու դեպքում Օգտատերը կարող է կապ հաստատել ԱՐՆԻ կենտրոնի հետ +374 55 501 144 հեռախոսահամարով կամ նամակ ուղարկել info@arni.am էլ. փոստի հասցեով։