ՓՈԽՆԱԿ ՄԱՅՐ ԸՆՏՐԵԼՈՒ ԳՈՐԾԸՆԹԱՑԸ

Ծնող դառնալու ճանապարհի կարևոր քայլերից է փոխնակ մոր ընտրությունը: Ծնողները ցանկանում են վստահ լինել, որ իրենց սաղմը հանձնում են ապահով փոխնակ մորը։ Շատ ծնողների համար կարևոր գործոններ են փոխնակ մոր կրթությունը, ֆիզիկական տվյալները, տարիքը և պատասխանատվության զգացումը:

Մեր լավագույն առանձնահատկություններից մեկը ոչ միայն երաշխավորելն է, որ ապագա ծնողն ընտրել է փոխնակ մոր ճիշտ թեկնածուի, որի հետ իրենք կարող են հաջողությամբ անցնել ծրագիրը, այլ նաև ապագա ծնողներին հոգատար և հետևողականորեն առաջնորդելը ծրագրի յուրաքանչյուր փուլում:

Գործընթացն ավելի արդյունավետ դարձնելու համար մենք յուրաքանչյուր ապագա ծնողի առաջարկում ենք փոխնակ մոր մինչև 3 թեկնածուի, որոնց վերաբերյալ նախօրոք ստացել ենք նրանց ընտրած բժիշկ գինեկոլոգ-վերարտադրողաբանի դրական եզրակացությունը:

Ծնողների խնդրանքով մենք կազմակերպում ենք իրենց և փոխնակ մոր թեկնածուի հանդիպումը, այդ թվում՝ հեռավար կարգով, նախքան վերջնական որոշում կայացնելը: Մենք հաստատում ենք ընտրված թեկնածուին, կնքում նոտարական վավերացմամբ պայմանագիր և սկսում ենք սաղմի տեղադրման գործընթացը։